ILirida News

  Agna sh.a., një kompani private nga Shqipëria, ka paraqitur pranë Komisionit për Mbrojtjen e Konkurrencës (KMK) kërkesën për të marrë kontroll të vetëm mbi distributorin Mako-Market DOO Shkup. KMK njoftoi se aplikimi për koncentrim është dorëzuar katër ditë më parë, ndërsa procedura e shqyrtimit është në zhvillim. Agna, me pronarë përfitues Vasil Naçi, Kristo Naçi dhe Kosta Sotiri, është një nga kompanitë më të mëdha të tregtisë me shumicë dhe distribucionit të produkteve FMCG në Shqipëri, duke operuar në import-eksport, prodhim pijeve, logjistikë dhe projekte ndërtimore. Agna është prezente tashmë në Maqedoninë e Veriut përmes filialit AGNA Investment DOOEL Shkup, i angazhuar në administrimin e pasurive të paluajtshme, si dhe përmes Pevec International DOOEL, aktiv në sektorin e ndërtimit. Mako-Market, kompania që pritet të merret nën kontroll, operon në tregtinë me shumicë të produkteve ushqimore, pijeve, higjienës personale dhe produkteve të pastrimit. Ajo zotëron kapacitete p...

  Policia ka njoftuar se ka arrestuar shtatë persona për prishje të rendit dhe qetësisë publike pas përfundimit të ndeshjes mes Vardarit dhe Shkupit, përcjell SHENJA. {Sot (30.11.2025), pas përfundimit të ndeshjes së futbollit në kuadër të Ligës së Parë Futbollistike të Maqedonisë, e luajtur ndërmjet ekipeve të KF Vardari AD Shkup dhe KF Shkupi- Shkup, në kompleksin sportiv të FFM “Petar Miloshevski”, për shkak të kryerjes së kundërvajtjeve me hedhje të mjeteve piroteknike nga Ligji për parandalimin e dhunës në ndeshjet sportive, si dhe për prishje të rendit dhe qetësisë publike me sjellje të pahijshme dhe arrogante dhe mosrespektim të urdhërave të punonjësve policorë në dy lokacione të ndryshme në territorin e qytetit të Shkupit, janë arrestuar gjithsej shtatë persona, ndaj të cilëve do të ndërmerren masa në përputhje me dispozitat ligjore”, thuhet në komunikatën e MPB-së.

  Punonjësit në një shkollë të mesme në Saraj u sulmuan me shkopinj gome dhe gaz lotsjellës nga një grup burrash.  Incidenti u raportua në polici nga njëri prej kolegëve të sulmuar. Në SPV Shkup, F.L. (24) nga Shkupi raportoi se në Saraj, ai dhe kolegët e tij A.N. (18), N.L. (26), A.D. (36) dhe R.S. (24), të gjithë nga Shkupi të cilët më parë kryenin detyra pune si punonjës të një kompanie në një shkollë të mesme, u sulmuan fizikisht nga S.P. (41), N.P. (47) dhe S.P. (37), të gjithë nga Saraji të cilët përdorën një objekt të mprehtë dhe gaz lotsjellës”, tha policia. Ministria e Brendshme thotë se po merren masa për sqarimin e rastit.

  Nga nesër do të vendoset në funksion sistemi “Safe City”. Kohë më parë ministri i Brendshëm, Pançe Toshkovski tha se fillimisht do të funksionoj në Qytetin e Shkupit, komunën e Tetovës dhe Kumanovës. Ndërsa në gjithë shtetin sipas Toshkovskit, pritet që të vihet në funksion deri në mesin e 2026-tës, shkruan SHENJA. “Para se të nis funksionimi formal i sistemit, së paku 1 muaj para, do të fillojmë me periudhën testuese, ku do të informohen qytetarët dhe gjithë shoferët se kanë bërë shkelje të caktuar. Por, formalisht, në pajtim me hyrjen në fuqi të ligjeve që duhet të ndryshohen që të mund të implementohet ky projekt, do të nis më 1 janar 2026. Po punojmë intenzivisht si në ndryshimin e ligjeve”, ka deklaruar ministri Toshkovski. Shoferët tani do të marrin vetëm paralajmërime, pa gjobë. Sistemi do të zbatohet plotësisht nga janari. Çdo pronar automjeti, shkelja e të cilit dokumentohet, do të marrë një njoftim me SMS dhe email me një link ku mund të shkarkojë raportin dhe urdhrin e...

  Komuna e Tetovës ka shpallur 1 Dhjetorin 2025 (e hënë) ditë zie në territorin e saj, me rastin e vdekjes së këngëtarit të njohur tetovar Shpat Kasapi, përcjell INA. Vendimi është miratuar nga Këshilli i Komunës së Tetovës në seancën e jashtëzakonshme të mbajtur më 30.11.2025, duke u bazuar në nenin 36, paragrafi 1, pika 15 të Ligjit për vetëqeverisje lokale. Sipas vendimit, dita e zisë shpallet “për shkak të vdekjes së këngëtarit Shpat Kasapi”, ndërsa institucioneve publike, personave juridikë dhe qytetarëve u rekomandohet që në këtë ditë të përmbahen nga organizimi i ceremonive solemne, argëtuese dhe ngjarjeve muzikore. Në vendim theksohet se ai hyn në fuqi ditën e miratimit dhe do të publikohet në “Fletoren Zyrtare të Komunës së Tetovës”. Shpat Kasapi, një nga emrat më të njohur të muzikës moderne shqipe, ndërroi jetë papritur pas një ataku kardiak në moshën 40-vjeçare, duke shkaktuar trishtim të madh te familja, miqtë, kolegët dhe admiruesit e tij në mbarë hapësirën shqiptare....

  Vendi do të përballet me mot dukshëm më të ftohtë gjatë ditëve në vijim, me temperatura të ulëta dhe reshje të dendura shiu. Nesër në mëngjes pritet rënie e ndjeshme e temperaturave, të cilat do të zbresin deri në minus katër gradë Celsius. Sipas sinoptikëve, nga e marta e deri në fund të javës vendi do të përfshihet nga mot i ndryshueshëm me reshje të herëpashershme të shiut, ndërsa më intensive ato do të jenë të mërkurën dhe të premten. “Më ftohët do të jetë nesër në mëngjes, do kemi mëngjes më të kthjellët me temperaturë më të ulët e cila do të jetë në interval prej -4 deri në +4 gradë, nesër në mesditë do të ketë paraqitje të mjegullës dhe temperatura ditore do të mbetet e ulët. Nga dita e martë deri në fund të javës do të kemi mot të ndryshueshëm, me reshje lokale të herë pas hershme, reshje më të rrëmbyeshme pritet të mërkurën dhe të premten, ku temperaturat përsëri do të jenë pozitive, ditoret në ditët në vijim do të jenë në intervalin prej 6 deri në 12 gradë”, tha Juliana...

  Aeroplani i parë luftarak pa pilot i Turqisë, Bayraktar KIZILELMA, u bë aeroplani i parë luftarak pa pilot në botë që goditi një objektiv ajror me motor reaktiv duke përdorur një raketë ajër-ajër me rreze të gjatë veprimi gjatë një prove të kryer në brigjet e Sinopit. Shumica e projekteve të aeroplanëve luftarakë pa pilot në të gjithë botën janë projektuar kryesisht për misione ajër-tokë. Ndërsa asnjë platformë pa pilot nuk ka arritur ende aftësinë e luftimit ajër-ajër, Bayraktar KIZILELMA ka nisur një epokë të re në historinë e aviacionit si platforma e parë dhe e vetme në botë që provon aftësinë e saj të luftimit ajër-ajër. Për provën historike, pesë aeroplanë luftarakë F-16 u ngritën nga Baza e 5-të Kryesore e Reaktivëve në Merzifon dhe u takuan me Bayraktar KIZILELMA mbi qiellin e Sinopit. Duke kryer një fluturim, Bayraktar KIZILELMA shfaqi konceptin e ardhshëm të luftimit ajror përmes operacioneve të përbashkëta me pilot dhe pa pilot. Gjatë kësaj kohe, një dron Bayraktar AKI...

  Selvija, bashkëshortja e Shpat Kasapit, nuk mundi t’i mbante lotët ndërsa ia dha lamtumirën këngëtarit, i cili vdiq më 25 nëntor pas një sulmi në zemër. Në Pallatin e Kulturës në Tetovë – vendlindjen e këngëtarit – po mbahen homazhe. Pas pak aty pritet të nis një mbledhje komemorative për këngëtarin. Shpat Kasapi do të varroset në orën 14:00 në varrezat e qytetit në Tetovë.

  Këngëtari i njohur nga Tetova, Shpat Kasapi, i cili u nda nga jeta pas një ataku kardiak në moshën 40-vjeçare, do të përcillet sot për në banesën e fundit. Lajmi është bërë i ditur nga familjarët, të cilët me dhimbje kanë njoftuar detajet e ceremonisë mortore. Homazhet për artistin do të zhvillohen nga ora 12:00 në Pallatin e Kulturës në Tetovë, ndërsa ceremonia e varrimit do të mbahet në orën 14:00 në varrezat e qytetit. “Me hidhërim të thellë kumtojmë ndarjen nga jeta të birit, bashkëshortit, babait, vëllait dhe mikut tonë të dashur, Shpati ishte një zemër e pastër, një shpirt i gëzueshëm që jetonte me këngë në buzë dhe me dritë në sy. Ai përhapte vetëm dashuri e mirësi, dhe kushdo që e njihte, e ndiente ngrohtësinë e tij. Largimi i tij i papritur na ka thyer zemrat. Do të na mungojë zëri i tij i butë, buzëqeshja e sinqertë dhe prania e tij qetësuese. Kujtimi i tij do të mbetet i paharruar për ne”, thuhet në njoftimin e familjes. 

Sot janë bërë dy vjet nga vrasja e Liridona Ademajt. Sipas Granit Plavës gjatë dëshmisë së tij e ka përshkruar momentin e vrasjes së Ademajt, duke pohuar se Murseli i kishte thënë të gjuajë. ata e kanë çelë xhamin pak, edhe unë kom qëllu në drejtim të asaj grusë. Naimi thojke ‘gjuj, gjuj,’ po unë u nisa drejt teposhtë edhe me kerr kom mrri në shpi”, ka thënë Plava gjatë dëshmisë së tij. Në vijim mund të gjeni një pjesë të Granit Plavës lidhur me rastin  

  Gjatë 24 orëve të fundit, më shumë reshje shiu janë regjistruar në Demir Kapi, ku kanë rënë 40 litra për metër katror. Pasojnë Radovishi dhe Pozhari me nga 37 litra, Gjevgjelia me 35 dhe Shtipi me 28 litra. Në Strumicë kanë rënë 19 litra, në Vinicë 16, në Kumanovë 15, ndërsa nga 13 litra janë regjistruar në Kavadari dhe Kriva Pallankë. Kodra e Diellit ka regjistruar 12 litra, Pretori 11, Mavrova dhe Shkup–Petrovec nga 10, Berova 8, Lazaropole 7, Velesi 6, Pozharane 5, ndërsa nga 4 litra janë shënuar në Manastir, Tetovë, Krushevë dhe Prilep. Në Shkup–Zajçev Rid dhe Topollçan, janë regjistruar nga 1 litër shi. Mëngjesi ka qenë i akullt në disa zona malore, ku temperaturat zbritën nën zero. Mavrovë, Lazaropole dhe Pozhari ishin më të ftohtat, me temperatura prej -1°C...

  Lidhja Auto-Moto e Maqedonisë njofton se mëngjesin e sotëm ka ndodhur një aksident i rëndë trafiku në magjistralen Kumanovë–Kriva Pallankë, pas së cilës qarkullimi është ndërprerë plotësisht. “Më 29.11.2025, prej orës 08:30, magjistralja Kumanovë–Kriva Pallankë, për shkak të një aksidenti të ndodhur, është në ndërprerje të plotë të qarkullimit”, thuhet në njoftimin e LAMM-it. Për momentin nuk ka informacione zyrtare për numrin e të lënduarve ose shkakun e aksidentit. LAMM u bën apel shoferëve të shmangin këtë drejtim dhe të përdorin rrugë alternative deri në hapjen e magjistrales./TV21

  Ndarja e parakohshme nga jeta e këngëtarit Shpat Kasapi ka prekur thellë kolegët e tij të skenës, mes të cilëve edhe vokalistin e grupit legjendar “Elita 5”, Arif Ziberi. Në një lidhje direkte televizive, Ziberi nuk ka mundur t’i mbajë lotët ndërsa fliste për mikun dhe kolegun e tij të ndjerë. Ai shprehu vështirësinë emocionale për të vazhduar me angazhimet profesionale në një moment kaq të rëndë. “Ky profesioni jonë është pak i vështirë, sepse ja përgatitem për të shkuar në rrugë se nesër kam koncert në Vlorë edhe në Shëngjin pasnesër… edhe nuk e di se si do të realizohet. Nuk kam ndonjë informatë, pres që të më informojnë dhe të dimë diçka dhe të shkojmë ta respektojmë për herë të fundit,” u shpreh ai mes dhimbjes. Lidhur me ceremoninë mortore, Ziberi konfirmoi se ende nuk ka një datë të saktë, pasi edhe familjarët janë në pritje të procedurave. “Kam kontaktuar edhe familjarët e tij edhe ato nuk janë në dijeni. Shpresoj që së shpejti të kemi ndonjë informatë,” tha ai. Në fund, ...

Në nisje të emisionit të sotëm, të “Opinion”, moderatori Blendi Fevziu shprehu ngushëllimet e tij për ndarjen nga jeta të këngëtarit të njohur  Shpat Kasapi . Ky i fundit ndërroi jetë këtë të mërkurë në moshën 40 vjeçare prej një sulmi në zemër. Nisur nga ky rast fatkeq, lind pyetja natyrshëm se pse janë shtuar kaq shumë sulmet në zemër, veçanërisht tek moshat e reja? Disa përgjigje lidhur me këtë i dha në studio kardiologu Indrit Temali. Indrit Temali :  Fatkeqësisht vdekjet e papritura nuk prekin vetëm moshat e mëdhaja, por edhe të rejat. Ka disa shkaqe, lidhen me zemrën, muskulin e zemrës, trashja e mureve të zemrës, infeksionet, sëmundjet të ventrikulit  (barkushja)  të djathtë, janë anomali strukturore të zemrës. – Po pse tek mosha kaq të reja? Indrit Temali:  Disa janë gjenetikisht të përcaktuara. Ka lidhje edhe me stilin e jetësës, heteroskleroza në moshë të re është shtuar prej stilit të pashëndetshëm të jetesës, duhani, obeziteti, përdorimi i stimulantë...

  Nga 1 dhjetori, çmimi i ngrohjes në Qytetin e Shkupit do të rritet 5.9%. Sipas kryetarit të Komisionit Rregullator të Energjetikës Marko Bislimovskit, shkaku i vetëm siç e quan si, i kësaj rritje është përshkak se periudhën në vijim do të investohet në rrjetin e distribuimit, i cili siç thotë është ndërtuar në mesin e viteve të gjashtëdhjeta, të shekullit të kaluar. Ai gjithashtu shtoi se këtë sezon të ngrohjes kanë pasur shumë ankesa të qytetarëve. Marko Bislimovski, kryetar i KRRE-së “ Dua të ju bëjë thirrje qytetarëve që të kenë mirëkuptim sepse në këtë rrjet nuk është investuar shumë vite, përfundimisht atë e drejton një kompani shtetërore dhe jam i sigurt se situata me këtë rrjet në periudhën në vijim do të përmirësohet”. Ndërsa, për çmimin e ri të energjisë elektrike thotë se do të dihet javën e ardhshme Marko Bislimovski, kryetar i KRRE-së “ Gjatë javës së ardhëshme KRRE do të sjellë vendime për transmetim të energjisë elektrike, për distribuimin dhe çmimin për operatorin ...

  Detaje të reja kanë dalë në dritë lidhur me vdekjen e papritur të këngëtarit Shpat Kasapi, duke ndryshuar versionin që qarkulloi fillimisht në media . Sipas informacioneve të fundit nga familjarët, raportimi se artisti ndërroi jetë në skenë gjatë një koncerti nuk qëndron. E vërteta është se Shpati ndodhej në Itali me familjen për një kontroll mjekësor të djalit të tyre, dhe jo për performancë muzikore. Tragjedia ka ndodhur në banesën ku po qëndronin. Mësohet se këngëtari ishte ndjerë keq dhe në momentin që bashkëshortja e tij ka dalë jashtë për vetëm pak minuta, kur është kthyer, e ka gjetur atë pa shenja jete. Shkaku dyshohet të jetë një atak kardiak fatal, pavarësisht se më herët ai kishte pasur vetëm shqetësime të vogla me zemrën. Kjo ngjarje bëhet edhe më e dhimbshme nga fakti se historia po përsëritet; raportohet se edhe babai i Shpatit ishte ndarë nga jeta saktësisht në të njëjtën moshë, 40 vjeç, dhe nga e njëjta arsye, duke vulosur një fat tragjik për familjen Kasapi.

  Dita e sotme shënon një nga datat më të rëndësishme të historisë shqiptare Dita e Flamurit, dalja publike e UÇK-së dhe ditëlindja e komandantit legjendar Adem Jashari përkujtohen sot nga shqiptarët kudo. Kjo ditë është uruar gjerësisht nga liderë të rajonit dhe më gjerë, përfshirë edhe një urim të shkurtër, por të fuqishëm nga faqja zyrtare e NATO-s në Facebook. “Shtypni   për t’iu bashkuar festimit të aleatit tonë   Shqipërisë në Ditën e saj Kombëtare!”, thuhet në postim.

  Luan Haradinaj, djali i heroit Shkëlzen Haradinaj, është fejuar me një vajzë nga Gjilani, ka njoftuar xhaxhai i tij, Ramush Haradinaj. Ky i fundit bashkë me vëllain e tij, Dautin, shkuan në Gjilan për traditë “për të kërkuar dorën” e Anila Sylës. “Në ditën që na bashkon e na gëzon, Kapiten Luan Haradinaj vulosi një hap të ri të jetës, u fejua me Anila Sylaj nga Gjilani. Ashtu siç e don tradita, bashkë me Dautin, Frashërin, Vetonin dhe dajën e Luanit, Selim Fetahaj, ishim në familjen Sylaj për të kërkuar dorën e Anilës, duke e nisur kështu një kapitull të ri për Luanin dhe Anilën. Urime për Luanin dhe Anilën! Qoftë ky një rrugëtim i mbushur me gëzime gjatë gjithë jetës!”, ka shkruar Haradinaj.

  Sot mbushen 28 vjet nga dalja e parë në skenë e Ushtrisë Çlirimtare të Kosovës (UÇK). 28 Nëntori nuk shënon vetëm festën e Ditës së Flamurit. Sa herë vjen ky muaj, Kosova kujton daljen e parë në skenë të Ushtrisë Çlirimtare të Kosovës, më 28 nëntor të vitit 1997, në Llaushë të Skenderajt. Ndërkaq, ajo që bëri që UÇK-ja të bëjë publike aktivitetet, ishte vrasja e mësuesit të shkollës së Llaushës, Halit Geci, dy ditë më parë nga forcat serbe. Rexhep Selimi, Daut Haradinaj dhe Mujë Krasniqi, kanë qenë të parët që kanë dalë për herë të parë publikisht para opinionit publik, në varrimin e tij, si ushtarë të UÇK-së. Deklarata e UÇK-së për paraqitjen e saj të parë publike u përgatit nga vetë ushtarët e saj.

Lajmi tragjik i ndarjes nga jeta të Shpat Kasapit ka shkaktuar një valë të madhe reagimesh, por ka nxjerrë në pah edhe sjellje që po diskutohen gjerësisht në rrjetet sociale. Ndërsa dhimbja për humbjen e artistit është e freskët, vëmendja është përqendruar te një statistikë e pazakontë në profilin e partneres së tij, Selvije Jao. Brenda pak orësh nga tragjedia, llogaria e saj në Instagram ka pasur një rritje të menjëhershme, duke shtuar mbi 20 mijë ndjekës të rinj. Ky fluks kureshtjeje në moment zie ka ngritur pikëpyetje te shumë komentues nëse një reagim i tillë është normal. Nga ana tjetër, situata është tensionuar edhe për mikeshat e artistit. Këngëtarja Adelina Tahiri, e cila bëri dedikime të ndjera për Shpatin, u kryqëzua nga ndjekësit pasi postoi një foto nga një darkë në “Instastory” ditën e vdekjes së tij. Ajo u akuzua se nuk po tregonte respektin e duhur, por reagimi i saj ishte i ashpër, duke goditur hipokrizinë e atyre që “deri dje e shanin dhe ofendonin” këngëtarin. Në reag...